မူရင်းလင့် – https://www.facebook.com/share/v/1Bc4MqcUbj/
Real Voice Myanmar Political Platform မျက်မှောက်အရေး သူတို့အမြင်ကဏ္ဍ တွင် ငြိမ်းချမ်းရေးနှင့် လူမှုတရားမျှတမှုဖော်ဆောင်ရေးအဖွဲ့ အမှုဆောင်ဒါရိုက်တာ ဒေါက်တာသောင်းထွန်းမှ ပါဝင်ဆွေးနွေးခဲ့ပါသည်။
ဒေါက်တာသောင်းထွန်းနှင့်ဆွေးနွေးခန်းမှကောက်နုတ်ချက်များ
၁။ စစ်ကောင်စီ၏ ရွေးကောက်ပွဲအပေါ် အမြင် – စစ်ကောင်စီက ပြုလုပ်တဲ့ ရွေးကောက်ပွဲဟာ ၂၀၂၀ ရွေးကောက်ပွဲရလဒ်ကို ဖျက်ဆီးပြီး သူတို့ရဲ့ တရားဝင်မှုကို တည်ဆောက်ဖို့ ကြိုးစားတာဖြစ်ပါတယ်။
၂။ ပြည်သူလူထု၏ ယုံကြည်မှု – ၂၀၁၀ ကာလနဲ့ မတူတာက အခုအချိန်မှာ ပြည်သူလူထုရဲ့ စစ်တပ်အပေါ် ယုံကြည်မှုဟာ လုံးဝကျဆင်းနေတာ ဖြစ်ပါတယ်။
၃။ ဖက်ဒရယ်ယူနစ်များ ဖွဲ့စည်းမှု – စစ်ကိုင်း၊ မန္တလေး၊ မကွေး စတဲ့ တိုင်းဒေသကြီးတွေမှာပါ ဖက်ဒရယ်ယူနစ်တွေအနေနဲ့ ပြင်ဆင်ဖွဲ့စည်းလာကြတာဟာ သမိုင်းမှာ ထူးခြားတဲ့ အပြောင်းအလဲဖြစ်ပါတယ်။
၄။ ဗမာလူထုနှင့် ဖက်ဒရယ် – အရင်က ဖက်ဒရယ်ဆိုရင် ခွဲထွက်ရေးလို့ ထင်မြင်ခဲ့ကြတဲ့ မြေပြန့်ဗမာလူထုကပါ အခုအခါမှာ ဖက်ဒရယ်စနစ်ကို လက်ခံယုံကြည်လာကြပြီ ဖြစ်ပါတယ်။
၅။ တိုင်းရင်းသားတော်လှန်ရေးအဖွဲ့များအပေါ် အားကိုးမှု – ပြည်သူလူထုဟာ တိုင်းရင်းသားတော်လှန်ရေးခေါင်းဆောင်တွေကို သူတို့ရဲ့ အမျိုးသားခေါင်းဆောင်တွေအဖြစ် အားကိုးမျှော်လင့်လာကြပါတယ်။
၆။ ဖက်ဒရယ်ဒီမိုကရေစီပဋိညာဉ် – နွေဦးတော်လှန်ရေးအပြီးမှာ ဖက်ဒရယ်ဒီမိုကရေစီ တည်ဆောက်ဖို့အတွက် အခြေခံမူတွေ၊ ပဋိညာဉ်တွေဟာ အခိုင်အမာ ရှိနေပြီးသား ဖြစ်ပါတယ်။
၇။ အုပ်ချုပ်ရေးယန္တရား တည်ဆောက်မှု – တော်လှန်ရေးနယ်မြေတွေမှာ ကျန်းမာရေး၊ ပညာရေးနဲ့ တရားဥပဒေစိုးမိုးရေးလုပ်ငန်းတွေကို အောက်ခြေကနေ စတင်အကောင်အထည်ဖော်နေပြီ ဖြစ်ပါတယ်။
၈။ ဖက်ဒရယ်အစိုးရ၏ အခန်းကဏ္ဍ – ပြည်နယ်အလိုက် ကိုယ်ပိုင်အုပ်ချုပ်ခွင့်တွေရှိသလို တစ်နိုင်ငံလုံးအတိုင်းအတာနဲ့ ချိတ်ဆက်ညှိနှိုင်းပေးမယ့် ဖက်ဒရယ်အစိုးရ (Coordination Unit) ရှိဖို့ လိုအပ်ပါတယ်။
၉။ နိုင်ငံတကာ ဆက်ဆံရေး – နယ်စပ်ကုန်သွယ်ရေးနဲ့ နိုင်ငံတကာရင်းနှီးမြှုပ်နှံမှုတွေမှာ တရားဝင်ဖြစ်စေဖို့အတွက် State Actor အဖြစ် ပီပီပြင်ပြင် ရပ်တည်နိုင်ဖို့ ကြိုးစားရမှာ ဖြစ်ပါတယ်။
၁၀။ ၂၀၂၀ ရွေးကောက်ပွဲရလဒ် တန်ဖိုး – ပြည်သူတွေ အသက်တွေ၊ ဘဝတွေ ရင်းပြီး ရယူထားတဲ့ ၂၀၂၀ ရွေးကောက်ပွဲရလဒ်ကို အလေးထား တန်ဖိုးထားဖို့ လိုအပ်ပါတယ်။
၁၁။ မဟာမိတ်ပဋိပက္ခများ ဖြေရှင်းရေး – တော်လှန်ရေးအဖွဲ့အစည်းအချင်းချင်းကြား ဖြစ်ပေါ်တတ်တဲ့ ပဋိပက္ခတွေကို ရန်ဘက်အသွင်မရောက်အောင် စုပေါင်းခေါင်းဆောင်မှုနဲ့ ဖြေရှင်းရပါမယ်။
၁၂။ ဖက်ဒရယ်တပ်မတော် တည်ဆောက်ရေး – တော်လှန်ရေးရဲ့ နောက်ဆုံးရည်မှန်းချက်ဖြစ်တဲ့ ဖက်ဒရယ်တပ်မတော် တည်ဆောက်နိုင်ဖို့အတွက် စစ်ရေးဆိုင်ရာ ဗျူဟာတွေကို ညှိနှိုင်းဆောင်ရွက်ရမှာ ဖြစ်ပါတယ်
